IPL నకిలీ టికెట్ల మోసం: హైదరాబాద్ CP సజ్జనార్ హెచ్చరిక

హైదరాబాద్‌లో IPL టికెట్ల పేరుతో సైబర్ మోసాలు జరుగుతున్నాయి. ఈ నెల 22న ఉప్పల్ స్టేడియంలో జరగనున్న Sunrisers Hyderabad vs Royal Challengers Bengaluru మ్యాచ్‌ను అవకాశంగా తీసుకుని సైబర్ నేరగాళ్ళు రంగంలోకి దిగారు.

Official District app లో టికెట్ ధర ₹3,000 కు పైగా ఉంది. కానీ నకిలీ District app లో ₹1,000కే టికెట్ ఇస్తామని ప్రకటిస్తున్నారు. ఇప్పటికే 8,000 మంది ఈ నకిలీ వెబ్‌సైట్ల వల్ల మోసపోయారని తెలుస్తోంది.

Official District app లో నిన్న సాయంత్రం 5 గంటలకు టికెట్ సేల్ మొదలైంది. 5 నిమిషాల్లోనే 2 లక్షల మంది queue లో నిలబడ్డారు. స్టేడియంలో కేవలం 33,000 సీట్లు మాత్రమే ఉన్నాయి. ఈ క్రేజ్‌ను సైబర్ నేరగాళ్ళు ఉపయోగించుకున్నారు.

హైదరాబాద్ CP సజ్జనార్ ఈ విషయంపై స్పందించారు. నకిలీ links, నకిలీ apps తెరవద్దని హెచ్చరించారు. తెరిచినా సరే, ఆ apps లో టికెట్లు కొనవద్దని స్పష్టం చేశారు. సోషల్ మీడియాలో వచ్చే అనధికార links నమ్మొద్దని కూడా సూచించారు.

పోలీసులు ఈ నకిలీ వెబ్‌సైట్లు, apps పై నిఘా పెట్టారు. వాటిని block చేసే ప్రయత్నం జరుగుతోందని తెలిపారు. అనుమానస్పద links, apps కనిపిస్తే తమకు ఫిర్యాదు చేయాలని కోరారు. బ్యాంకింగ్ వివరాలు కూడా సైబర్ నేరగాళ్ళ చేతికి వెళ్ళే ప్రమాదం ఉందని హెచ్చరించారు.