మలేషియాలో తెలంగాణ ఆవిర్భావ వేడుకలకు పోస్టర్ ఆవిష్కరణ

మాజీ మంత్రి జగదీష్ రెడ్డి హైదరాబాద్ జూబ్లీ హిల్స్‌లో పోస్టర్ ఆవిష్కరించారు. జూన్ 6న కౌలాలంపూర్‌లో తెలంగాణ ఆవిర్భావ దినోత్సవ వేడుకలు జరగనున్నాయి.

మలేషియా తెలంగాణ అసోసియేషన్, BRS మలేషియా సంయుక్తంగా ఈ కార్యక్రమాన్ని నిర్వహిస్తున్నాయి. BRS వర్కింగ్ ప్రెసిడెంట్ KTR ఈ వేడుకల్లో పాల్గొననున్నారు.

పోస్టర్ ఆవిష్కరణ కార్యక్రమంలో BRS పార్టీ ప్రధాన కార్యదర్శి గ్యాదరి బాలమల్లు, BRS NRS సెల్ ప్రెసిడెంట్ మహేష్ బిగాల, BRS మలేషియా ప్రెసిడెంట్ చిట్టి బాబు పాల్గొన్నారు.

మలేషియా తెలంగాణ అసోసియేషన్ గత 12-13 సంవత్సరాలుగా తెలంగాణ సంస్కృతిని అక్కడ కొనసాగిస్తోందని జగదీష్ రెడ్డి తెలిపారు. ఇంతకు ముందు అమెరికాలోని డల్లాస్‌లో జరిగిన తెలంగాణ ఆవిర్భావ వేడుకల తర్వాత అన్ని దేశాల్లో ఇలాంటి కార్యక్రమాలు నిర్వహించాలని విజ్ఞప్తులు వచ్చాయని ఆయన చెప్పారు.