జనాభా పెంపు విధానంపై జగన్ విమర్శలు: 'సూపర్ సిక్స్ హామీలు నెరవేర్చారా?'

YSRCP అధ్యక్షుడు జగన్మోహన్ రెడ్డి, AP ప్రభుత్వం ప్రకటించిన జనాభా పెంపు ప్రోత్సాహకాలను విమర్శించారు. మూడో సంతానానికి ₹30,000, నాలుగో సంతానానికి ₹40,000 ఇస్తామని ప్రభుత్వం ప్రకటించింది. ఈ నిర్ణయాన్ని జగన్ తీవ్రంగా ప్రశ్నించారు.

సూపర్ సిక్స్, సూపర్ సెవెన్ పేర్లతో ఇచ్చిన హామీలు అమలు కాలేదని ఆయన ఆరోపించారు. ముందు ఆ హామీలు నెరవేర్చాలని డిమాండ్ చేశారు.

విద్య, వైద్యం రంగాలపై కూడా జగన్ ఆరోపణలు చేశారు. తమ హయాంలో ప్రారంభించిన English medium, TOFEL పీరియడ్, నాడు-నేడు పాఠశాల సంస్కరణలు, 8వ తరగతి విద్యార్థులకు tablets వంటి కార్యక్రమాలు ప్రస్తుత ప్రభుత్వం నిలిపివేసిందని ఆరోపించారు. ప్రస్తుతం fee reimbursement, విద్యాదీవన, వసతిదీవన పథకాలు లేవని పేర్కొన్నారు.

వైద్య రంగంలో తమ హయాంలో 17 medical colleges నిర్మాణం మొదలుపెట్టినట్లు జగన్ చెప్పారు. వాటికి ₹5,000 కోట్లు ఐదేళ్లలో ఖర్చు చేస్తే పూర్తవుతాయని, కానీ ప్రస్తుత ప్రభుత్వం ఆ నిధులు విడుదల చేయడంలేదని ఆరోపించారు. అమరావతి భవనాలకు అద్దాల కోసం ₹2,500 కోట్లు ఖర్చు చేయడానికి ముందుకు వస్తున్నారని అన్నారు.

మహిళలను కేవలం సంతానాన్ని పెంచే యంత్రాలుగా చూస్తున్నారని జగన్ ఆరోపించారు. మహిళల ఆర్థిక స్వావలంబన కోసం అమలు చేసిన సున్నా వడ్డీ పథకం, ఆసరా పథకం రద్దయిపోయాయని పేర్కొన్నారు.

ఈ ఆరోపణలపై AP ప్రభుత్వ స్పందన తెలియాల్సి ఉంది.