వైఎస్ ఆనంద రెడ్డికి జగన్ దంపతుల నివాళి; నేత్ర దానం చేసిన కుటుంబం

YSRCP అధినేత, మాజీ ముఖ్యమంత్రి వైఎస్ జగన్మోహన్ రెడ్డి, ఆయన సతీమణి భారతి రెడ్డి శనివారం పులివెందులలో వైఎస్ ఆనంద రెడ్డి పార్థివదేహాన్ని సందర్శించి నివాళులు అర్పించారు. వృద్ధాప్య సంబంధిత అనారోగ్యంతో బాధపడుతూ ఆయన పులివెందులలో కన్నుమూశారు. వైఎస్ ఆనంద రెడ్డి, కడప ఎంపీ వైఎస్ అవినాష్ రెడ్డి సొంత పెదనాన్న, వైఎస్ జగన్మోహన్ రెడ్డికి వరుసకు పెద్దనాన్న. కుటుంబసభ్యులను జగన్ దంపతులు ఓదార్చి ధైర్యం చెప్పారు. ఎంపీ అవినాష్ రెడ్డి, పలువురు YSRCP నాయకులు, కార్యకర్తలు కూడా నివాళులు అర్పించారు. ఆనంద రెడ్డి నేత్రాలను దానం చేయాలని కుటుంబం నిర్ణయించుకుంది.