చంద్రబాబు పాలనపై జగన్ బుక్లెట్ విడుదల — సూపర్ సిక్స్, సెవెన్ హామీలు నెరవేరలేదని ఆరోపణ

YSRCP అధ్యక్షుడు జగన్మోహన్ రెడ్డి చంద్రబాబు నాయుడు ప్రభుత్వం రెండేళ్ల పాలన పూర్తయిన నేపథ్యంలో ఒక బుక్లెట్ విడుదల చేశారు. ఈ బుక్లెట్ పేరు 'చంద్రబాబు నాయుడు వెన్నుపోటుకు రెండేళ్ళు' అని YSRCP తెలిపింది.

టీడీపీ ఎన్నికల మేనిఫెస్టోలో భాగంగా ఇచ్చిన హామీలు నెరవేరలేదని జగన్మోహన్ రెడ్డి ఆరోపించారు. సూపర్ సిక్స్, సూపర్ సెవెన్ కార్యక్రమంలో భాగంగా 18 ఏళ్లు నిండిన మహిళలకు నెలకు ₹1,500 చొప్పున ఇస్తామని, చదువుకున్న నిరుద్యోగులకు నెలకు ₹3,000 నిరుద్యోగ భృత్తి ఇస్తామని, 50 ఏళ్లు నిండిన మహిళలకు పెన్షన్ ఇస్తామని హామీ ఇచ్చారని, కానీ రెండేళ్లలో ఇవేవీ అమలు కాలేదని ఆయన పేర్కొన్నారు.

పెట్రోల్ ధర ₹117, డీజిల్ ధర ₹105 దాటిందని జగన్మోహన్ రెడ్డి చెప్పారు. పెట్రోల్‌పై రాష్ట్ర ప్రభుత్వానికి ₹31.62 ట్యాక్స్ వస్తోందని, డీజిల్‌పై ₹23.46 ట్యాక్స్ వస్తోందని ఆయన పేర్కొన్నారు. ఎన్నికల వేళ ధరలు తగ్గిస్తామని హామీ ఇచ్చిన ప్రభుత్వం అమలు చేయడం లేదని ఆరోపించారు.

ఈ బుక్లెట్‌ను YSRCP వెబ్సైట్‌లో అందుబాటులో పెట్టారు. QR కోడ్ ద్వారా digital copy ప్రతి కార్యకర్తకు అందిస్తామని YSRCP తెలిపింది.

ఈ ఆరోపణలపై TDP, ప్రభుత్వ ప్రతినిధుల స్పందన తెలియాల్సి ఉంది.