జగన్నాథ రథం సాల్బేగ్ సమాధి దగ్గర ఆగడం వెనుకున్న భక్తి కథ

పూరీ జగన్నాథ రథయాత్రలో ఒక ప్రత్యేక సంప్రదాయం ఉంది. రథయాత్ర సమయంలో జగన్నాథుని రథం రెండు చోట్ల మాత్రమే ఆగుతుంది. వెళ్లేటప్పుడు సాల్బేగ్ అనే ముస్లిం భక్తుడి సమాధి దగ్గర, తిరిగి వచ్చేటప్పుడు మౌసా మా మందిరం దగ్గర ఆగుతుంది. బలభద్ర, సుభద్రల రథాలు ఈ ప్రదేశాల్లో ఆగవు.

సాల్బేగ్ పుట్టుకతో ముస్లిం అయినా, ఆయన తల్లి విష్ణు భక్తిని బోధించింది. యుద్ధంలో తీవ్రంగా గాయపడిన సాల్బేగ్, జగన్నాథుని భక్తితో స్మరించడంతో కోలుకున్నట్టు కథనం. ఆ తర్వాత ఆయన జగన్నాథునిపై ఎన్నో కీర్తనలు, భజనలు రచించాడు.

జగన్నాథుని పట్ల సాల్బేగ్‌కున్న అచంచల భక్తికి గుర్తుగా ప్రతి సంవత్సరం రథం ఆయన సమాధి వద్ద ఆగుతుంది. ఈ సంప్రదాయం శతాబ్దాలుగా కొనసాగుతోంది.