రాజ్యసభ సీటు రాక నెలరోజుల అసంతృప్తి: చంద్రబాబును కలిసి టీడీపీ నేత శ్రీనివాసులు రెడ్డి శాంతించారు

టీడీపీ రాయలసీమ జోనల్ కోఆర్డినేటర్ రెడ్డప్పగారి శ్రీనివాసులు రెడ్డి రాజ్యసభ సీటు రాకపోవడంతో నెలరోజులపాటు అసంతృప్తిలో ఉన్నారు. ఆయన గురువారం ముఖ్యమంత్రి చంద్రబాబు నాయుడును కలిసిన తర్వాత ఆ అసంతృప్తి నుంచి బయటపడ్డారు.

కడప జిల్లాలో టీడీపీ బలోపేతానికి కృషి చేసిన శ్రీనివాసులు రెడ్డి, ఆయన సతీమణి మాధవి రెడ్డి ఇటీవలి ఎన్నికల్లో పార్టీ తరపున పోటీ చేసి ఎమ్మెల్యేగా గెలిచారు. రాష్ట్రంలోని రాజ్యసభ స్థానాల కేటాయింపులో టీడీపీకి మూడు సీట్లు దక్కగా, అందులో ఒకటి తనకు ఇస్తారని ఆశించారు. ఆ అవకాశం రాకపోవడంతో ఆయన సోషల్ మీడియాలో తన అసంతృప్తిని వ్యక్తం చేశారు.

ముఖ్యమంత్రితో భేటీ అనంతరం మీడియాతో మాట్లాడిన శ్రీనివాసులు రెడ్డి, ‘నా బాధను చెప్పుకున్నా. భవిష్యత్తులో తప్పకుండా పదవి ఇస్తామని సీఎం హామీ ఇచ్చారు’ అని తెలిపారు. పార్టీ మారుతున్నట్లు వస్తున్న వార్తలను ఆయన ఖండించారు. ‘ఈ పార్టీలోనే చచ్చిపోతాం. వచ్చే స్థానిక సంస్థల ఎన్నికల్లో పార్టీ అభ్యర్థుల గెలుపు కోసం కృషి చేస్తా’ అన్నారు.