పోలవరం 2027 మార్చికి పూర్తి, తల్లికి వందనం నిధులు త్వరలో: సీఎం చంద్రబాబు

ఆంధ్రప్రదేశ్ ముఖ్యమంత్రి చంద్రబాబు నాయుడు కృష్ణా జిల్లా గుడివాడలో స్వర్ణాంధ్ర స్వచ్ఛాంధ్ర కార్యక్రమంలో మాట్లాడారు. ఈ సందర్భంగా పోలవరం ప్రాజెక్టు 2027 మార్చికి పూర్తవుతుందని ప్రకటించారు. తల్లికి వందనం పథకం నిధులు రెండు, మూడు రోజుల్లో లబ్ధిదారుల ఖాతాల్లో జమ చేస్తామన్నారు. అంగన్‌వాడీ కార్యకర్తలు, పారిశుధ్య కార్మికులకు కూడా ఈ పథకం వర్తించేలా నిర్ణయం తీసుకున్నట్లు తెలిపారు.

2024 ఎన్నికల్లో కూటమి విజయం నవ్యాంధ్ర అభివృద్ధికి టర్నింగ్ పాయింట్ అని ఆయన అభివర్ణించారు. గుడివాడలో చారిత్రాత్మక మెజారిటీ లభించిందన్నారు. గత ప్రభుత్వ పాలనపట్ల ప్రజలు అసంతృప్తితో ఓటు వేశారని వ్యాఖ్యానించారు.

సోషల్ మీడియాలో వ్యక్తిగత విమర్శలు, అసభ్యకర పోస్టులపై సీఎం హెచ్చరించారు.