ఒంగోలులో హాస్టల్ విద్యార్థులకు మంత్రి డోలా బాల వీరాంజనేయ స్వామి వస్తువుల పంపిణీ

ప్రకాశం జిల్లా ఒంగోలులోని సాంఘిక సంక్షేమ హాస్టల్ విద్యార్థులకు మంత్రి డోలా బాల వీరాంజనేయ స్వామి అవసరమైన వస్తువులను పంపిణీ చేశారు. రాష్ట్రవ్యాప్తంగా 1.15 లక్షల మందికి పైగా విద్యార్థులకు ఈ వస్తువులు అందజేస్తున్నట్లు ఆయన తెలిపారు.

ఈ కార్యక్రమంలో విద్యార్థులకు దుప్పట్లు, ట్రంక్ బాక్సులు, నైట్ డ్రెస్లు, బూట్లు, ప్లేట్లు, గ్లాసులు, కప్పులు, స్వెటర్లు, ఉన్ని బెడ్ షీట్లు, మెట్రస్ లు తదితర వస్తువులను అందించారు. మంత్రి మాట్లాడుతూ, ప్రాథమిక పాఠశాల నుంచి పోస్ట్ గ్రాడ్యుయేట్ స్థాయి వరకు ఉన్న విద్యార్థులకు ఈ సదుపాయం కల్పిస్తున్నామని వివరించారు.

సంక్షేమ హాస్టళ్లలో మౌలిక సదుపాయాల కల్పనతో పాటు విద్యార్థుల ఉన్నత విద్యకు ప్రభుత్వం అండగా నిలుస్తోందని ఆయన చెప్పారు. ఇటీవల ముఖ్యమంత్రి చంద్రబాబు నాయుడు హాస్టల్ విద్యార్థుల డైట్ చార్జీలను 10% పెంచిన విషయాన్ని కూడా ఆయన గుర్తు చేశారు.

ఈ కార్యక్రమంలో సాంఘిక సంక్షేమ శాఖ డైరెక్టర్ లావణ్య, జాయింట్ కలెక్టర్ కల్పన తదితరులు పాల్గొన్నారు.