తెలంగాణ, ఏపీలో కాంగ్రెస్‌కు ఓట్లు వేయండి: జగ్గారెడ్డి విజ్ఞప్తి

కాంగ్రెస్ నేత జగ్గారెడ్డి తెలంగాణ భవన్‌లో మీడియా సమావేశం నిర్వహించారు. తెలంగాణ, ఆంధ్రప్రదేశ్ ప్రజలు కాంగ్రెస్ అభ్యర్థులనే గెలిపించాలని విజ్ఞప్తి చేశారు.

లోక్‌సభకు 543 స్థానాలు ఉన్నాయని, వాటిలో 300 నుండి 500 వరకు కాంగ్రెస్ గెలవాలని తాము లక్ష్యంగా పెట్టుకున్నామని జగ్గారెడ్డి పేర్కొన్నారు.

UPA ప్రభుత్వం 10 సంవత్సరాలు కేంద్రంలో అధికారంలో ఉన్నప్పుడు తెలంగాణ, ఆంధ్ర, రాయలసీమ ప్రాంతాల నుండి కాంగ్రెస్ MP లు బలంగా ఉన్నారని ఆయన గుర్తు చేశారు. అందువల్లే ఆ రోజు UPA ప్రభుత్వం నిలబడిందని వాదించారు.

రాహుల్ గాంధీ రాజ్యాంగాన్ని కాపాడే పోరాటం చేస్తున్నారని, అందుకే పార్టీ లక్ష్యాలు సీరియస్‌గా ఉన్నాయని జగ్గారెడ్డి తెలిపారు.