రజనీకాంత్, ధనుష్, చిరంజీవి సినిమాలు అక్టోబర్‌లో బాక్సాఫీస్ పోటీలో తలపడనున్నాయి

అక్టోబర్ 15, 16 తేదీల్లో మూడు ప్రముఖ తమిళ, తెలుగు చిత్రాలు థియేటర్లలోకి రానున్నాయి. రజినీకాంత్ నటించిన 'జైలర్ 2', ధనుష్ నటించిన 'ఓం', నటుడు చిరంజీవి నటించిన 'విశ్వంభర' చిత్రాలు రెండు రోజుల వ్యవధిలో ప్రేక్షకుల ముందుకు రానుండటంతో బాక్సాఫీస్ పోటీ నెలకొనే అవకాశం ఉంది.

రజినీకాంత్ 'జైలర్ 2' చిత్రం నెల్సన్ దర్శకత్వంలో అక్టోబర్ 15న విడుదల కానుంది. ధనుష్ నటించిన 'ఓం'ను 'అమరన్' సినిమా దర్శకుడు రాజకుమార్ పెరియాసామి తెరకెక్కిస్తున్నారు. ఈ సినిమా అక్టోబర్ 16న రిలీజవుతుంది. అదే రోజు చిరంజీవి నటించిన 'విశ్వంభర' కూడా విడుదల కానుంది. 'జైలర్ 2', 'ఓం' చిత్రాలు తెలుగు భాషలో కూడా విడుదలవుతాయి.

గతంలో చిరంజీవి నటించిన 'భోళా శంకర్', రజినీకాంత్ నటించిన 'జైలర్' సినిమాలు ఒకేసారి విడుదలై పోటీ పడ్డాయి. ఇప్పుడు మళ్లీ ఇదే తరహాలో సినిమాలు విడుదలవుతుండటం గమనార్హం. ఈ మూడు చిత్రాల విడుదలతో బాక్సాఫీస్ వద్ద సహజంగానే పోటీ నెలకొననుంది.