జక్కంపూడి రాజాపై SC/ST అత్యాచార నిరోధక చట్టం కింద కేసు నమోదు

YSRCP యువజన విభాగం రాష్ట్ర అధ్యక్షుడు జక్కంపూడి రాజాపై పోలీసులు కేసు నమోదు చేశారు. BNS సెక్షన్ 351, SC/ST అత్యాచార నిరోధక చట్టం కింద ఈ కేసు నమోదైంది.

ఈ నెల 14న కర్నూలు కలెక్టరేట్ దగ్గర YSRCP ఆధ్వర్యంలో ధర్నా జరిగింది. YSRCP కర్నూలు నగర యువజన విభాగం అధ్యక్షుడు బాలును పోలీసులు వేధిస్తున్నారని ఆ ధర్నా చేపట్టారు. ఈ సందర్భంగా జక్కంపూడి రాజా మాట్లాడుతూ, Three Town CI శేషయ్యపై బహిరంగంగా వ్యాఖ్యలు చేశారు.

శేషయ్య దళిత సామాజిక వర్గానికి చెందిన అధికారి. జక్కంపూడి రాజా ఆ అధికారిని అవమానించేలా, బెదిరించేలా పదజాలం వాడారని SC కమిషన్ దృష్టికి వచ్చింది. వీడియో క్లిప్పింగుల ఆధారంగా రాజాపై చర్యలు తీసుకోవాలని SC కమిషన్ చైర్మన్ ఆదేశాలు జారీ చేశారు. ఆ ఆదేశాల మేరకు పోలీసులు కేసు నమోదు చేశారు.

ఈ విషయంపై జక్కంపూడి రాజా స్పందన తెలియాల్సి ఉంది.