జననాయకన్‌లో మమిత బైజు, పూజా హెగ్డేల పనితీరుపై మిశ్రమ స్పందన

విజయ్ నటించిన జననాయకన్ చిత్రం ఈ వారంలో విడుదలై ప్రేక్షకుల ముందుకు వచ్చింది. ఈ సినిమా బాలకృష్ణ నటించిన భగవంత్ కేసరికి తమిళ రీమేక్ కావడం, తెలుగు ప్రేక్షకులకు పరిచితమే అయినప్పటికీ మొత్తంగా నెగిటివ్ టాక్ నెలకొంది.

ఈ చిత్రంలో తమిళ యంగ్ సెన్సేషన్ మమిత బైజు, తెలుగులో శ్రీలీల పోషించిన పాత్రను నటించింది. ఆమె తన పాత్ర పరిధి మేరకు ఆకట్టుకున్నా, శ్రీలీల ప్రదర్శించిన ఎనర్జీ, చార్మ్ స్థాయికి చేరుకోలేదని ప్రేక్షకులు అభిప్రాయపడుతున్నారు. శ్రీలీలకే ఎక్కువ మార్కులు పడుతుండటంతో మమిత పోల్చుకుంటే వెనకబడిందన్న వ్యాఖ్యలు వైరల్ అవుతున్నాయి.

హీరోయిన్ పూజా హెగ్డేకు మరో నిరాశ ఎదురైంది. ఈ సినిమాతో తిరిగి ఫామ్‌లోకి వస్తుందని ఆమె ఆశించినా, చిత్రం ఆశించిన స్థాయిలో విజయం సాధించలేదు. అదనంగా సినిమాలో ఆమె పాత్ర నిడివి కూడా తగ్గించిందని వర్గాలు తెలిపాయి. దీంతో పూజకు జననాయకన్ పెద్దగా కలిసి రాలేదనే చర్చ జరుగుతోంది.