తెనాలి ప్రభుత్వ ఆసుపత్రిలో జనసేన రక్తదాన శిబిరం

గుంటూరు జిల్లా తెనాలిలోని ప్రభుత్వ ఆసుపత్రిలో జనసేన పార్టీ ఆధ్వర్యంలో రక్తదాన శిబిరం నిర్వహించారు. వేసవి కాలంలో ప్రభుత్వ ఆసుపత్రిలో రక్త కొరత నేపథ్యంలో ఈ కార్యక్రమం చేపట్టారు. జనసేన కార్యకర్తలు, యువత పెద్ద సంఖ్యలో పాల్గొని స్వచ్ఛందంగా రక్తదానం చేశారు.

తెనాలి DSP వి. జనార్దన్ రావు, Municipal Commissioner రామప్ప నాయుడు, MRO గోపాలకృష్ణ కూడా రక్తదానం చేశారు. అధికారులు స్వయంగా ముందుకు వచ్చి రక్తదానం చేయడం సమాజానికి ఆదర్శంగా నిలుస్తుందని మంత్రి నాదెండ్ల మనోహర్ అన్నారు.

వేసవిలో కళాశాలలు మూతపడటం వల్ల blood donation camps సాధారణంగా తక్కువగా జరుగుతాయని, దాంతో ఆసుపత్రుల్లో రక్త కొరత ఏర్పడుతుందని మంత్రి నాదెండ్ల తెలిపారు. ఈ సమస్యను దృష్టిలో ఉంచుకుని ఈ శిబిరం ఏర్పాటు చేశారని చెప్పారు. ఒక్కో యూనిట్ రక్తం అనేకమంది ప్రాణాలను కాపాడగలదని ఆయన పేర్కొన్నారు.