విశాఖ జిల్లా సీతంపేటలో జనసేనలో 100 మంది చేరికలు, 22 మందికి సీఎం రిలీఫ్ ఫండ్ చెక్కులు

విశాఖపట్నం జిల్లా సీతంపేటలోని జనసేన పార్టీ కార్యాలయంలో బుధవారం 100 మంది వివిధ పార్టీల కార్యకర్తలు ఆ పార్టీలో చేరారు. ఎమ్మెల్యే వంశీకృష్ణ శ్రీనివాస్ సమక్షంలో పార్టీ కండువా కప్పుకున్నారు.

ఇదే కార్యక్రమంలో 22 మంది లబ్ధిదారులకు ముఖ్యమంత్రి సహాయ నిధి కింద మొత్తం ₹7 లక్షల చెక్కులను ఎమ్మెల్యే అందజేశారు. ఇప్పటివరకు నియోజకవర్గంలో దాదాపు 200 మందికి ఈ నిధి ద్వారా ఆర్థిక సాయం అందించినట్టు ఆయన తెలిపారు.

పార్టీ సిద్ధాంతాలు నచ్చి యువత, మహిళలు పెద్ద సంఖ్యలో చేరుతున్నారని, కార్యకర్తలందరికీ తగిన గుర్తింపు ఉంటుందని ఎమ్మెల్యే వివరించారు. ఈ కార్యక్రమంలో పార్టీ అధ్యక్షుడు గరికిన రవి కూడా పాల్గొన్నారు.