ఢిల్లీలో జాతీయ సమగ్రతపై జనసేన కీలక సమావేశం, పవన్ కళ్యాణ్ దిశానిర్దేశం

ఢిల్లీలోని అశోక హోటల్‌లో జనసేన పార్టీ కీలక సమావేశం ప్రారంభమైంది. జాతీయ సమగ్రత కోసం జనసేన ప్రస్థానం అన్న అంశంపై ఈ సమావేశం నిర్వహించారు.

ఈ సమావేశంలో జనసేన ఎమ్మెల్యేలు, ఎంపీలు, ఎమ్మెల్సీలతో పాటు పార్టీ కీలక నేతలు పాల్గొన్నారు. పార్టీ అధ్యక్షుడు, ఆంధ్రప్రదేశ్ డిప్యూటీ సీఎం పవన్ కళ్యాణ్ ఈ సందర్భంగా నేతలకు దిశానిర్దేశం చేశారు. పార్టీ ఆవిర్భావం నుంచి జాతీయ సమగ్రత కోసం జనసేన ఎలా కృషి చేస్తోంది, భవిష్యత్తు వ్యూహాలు ఏమిటనే అంశాలపై చర్చలు జరిగాయి.

సమావేశం అనంతరం మధ్యాహ్నం 1:30 గంటలకు రాష్ట్ర మంత్రి మనోహర్ మీడియా బ్రీఫింగ్ ఇస్తారు. సాయంత్రం 5 గంటలకు పవన్ కళ్యాణ్ వార్ మెమోరియల్‌ను సందర్శించి అమరవీరులకు నివాళి అర్పించనున్నారు. జాతీయ పార్టీ విస్తరణతో పాటు వివిధ రాష్ట్రాల్లో జనసేన కార్యకర్తల పాత్రపై కూడా దిశానిర్దేశం ఉంటుందని పార్టీ వర్గాలు తెలిపాయి.