యూట్యూబర్ రావణ్‌పై జనసేన వీర మహిళల ఫిర్యాదు

విశాఖపట్నంలోని గాజువాక పోలీస్ స్టేషన్‌లో జనసేన పార్టీకి చెందిన వీర మహిళ విభాగం సభ్యులు యూట్యూబర్ రావణ్‌పై ఫిర్యాదు చేశారు.

కుంభమేళా ఘటనపై రావణ్ చేసిన వ్యాఖ్యలు హిందూ మత విశ్వాసాలను అవమానించేలా ఉన్నాయని వారు ఆరోపించారు. ప్రధాని నరేంద్ర మోదీ, డిప్యూటీ సీఎం పవన్ కల్యాణ్‌పై రావణ్ అసత్య ప్రచారం చేస్తున్నారని కూడా ఫిర్యాదులో పేర్కొన్నారు.

సామాజిక విద్వేషాలు రెచ్చగొట్టేలా, ప్రజా శాంతిని దెబ్బతీసే విధంగా రావణ్ వీడియోలు తయారు చేస్తున్నారని వీర మహిళలు తెలిపారు. పోలీసులు దర్యాప్తు చేసి చర్యలు తీసుకోవాలని కోరారు. గాజువాక పోలీసులు ఈ ఫిర్యాదు మేరకు కేసు నమోదు చేసినట్టు సమాచారం.