భోగాపురం అంతర్జాతీయ విమానాశ్రయంలో తొలి విమానం ల్యాండ్ అయింది

భోగాపురం అంతర్జాతీయ విమానాశ్రయంలో తొలి విమానం ల్యాండ్ అయింది. తిరుపతి నుంచి వచ్చిన విమానంతో ఇక్కడ విమాన రాకపోకలు ప్రారంభమయ్యాయి.

ప్రయాణికులు విమానాశ్రయం లోపలి ఇంటీరియర్, డిజిటల్ స్క్రీన్లు చూసి సంతృప్తి వ్యక్తం చేశారు. కొందరు బీచ్ వ్యూ బాగుందని చెప్పారు. కొత్త విమానాశ్రయంలో దిగడం తమకు మంచి అనుభవంగా ఉందని పలువురు తెలిపారు.

విమానాశ్రయానికి అల్లూరి సీతారామరాజు పేరు పెట్టారు. ఇది ఉత్తరాంధ్ర ప్రాంతంలో ఉంది. ఈ విమానాశ్రయం ఉత్తరాంధ్ర అభివృద్ధికి తోడ్పడుతుందని ప్రయాణికులు అభిప్రాయపడ్డారు.

కొందరు ప్రయాణికులు విశాఖ విమానాశ్రయంతో పోల్చారు. కొత్త విమానాశ్రయం బాగుందని, పాత విమానాశ్రయం మిస్ అవుతుందని చెప్పారు.