జంతర్ మంతర్ వద్ద ప్రక్షాళన పనులు ప్రారంభం, సిజెపి దీక్ష విరమణ

ఢిల్లీలోని జంతర్ మంతర్‌లో నెల రోజుల పాటు కొనసాగిన కాక్రోచ్ జనతా పార్టీ (సిజెపి) నిరసన ముగిసింది. ప్రదేశం ఖాళీ చేయడంతో, సీనియర్ పోలీసు అధికారులు, ఎన్డీఎంసీ వైస్ చైర్‌పర్సన్ కుల్జిత్ సింగ్ చాహల్ నేతృత్వంలో ప్రక్షాళన పనులు వేగంగా కొనసాగుతున్నాయి.

స్పెషల్ సీపీ డీసీ శ్రీవాస్తవ సహా ఇతర ఉన్నత పోలీసు అధికారులు పారిశుద్య పనులను దగ్గరుండి పరిశీలించారు. నిరసన ప్రదేశం చుట్టూ ఉన్న ప్రాంతాల్లోనూ శుభ్రపరిచే పనులు చురుకుగా సాగాయి.

కేంద్ర మంత్రి పదవికి ధర్మేంద్ర ప్రధాన్ రాజీనామా చేయడంతో సిజెపి నిరసన ముగిసింది. తమ డిమాండ్లను కేంద్ర ప్రభుత్వం అంగీకరించడంతో కార్యకర్తలు స్థలం ఖాళీ చేశారు. నీట్ పేపర్ లీక్‌తో మొదలైన ఈ ఆందోళన, సీజేఐ సూర్యకాంత్ వ్యాఖ్యల తర్వాత కాక్రోచ్ జనతా పార్టీ స్థాపనకు దారితీసింది. ఈ పార్టీ ఆధ్వర్యంలోనే జంతర్ మంతర్‌లో నిరసన కొనసాగింది.