తునిలో 3 ఏళ్ల జ్ఞానేశ్వరి మిస్సింగ్: 28 రోజులైనా ఆచూకీ లేదు

తుని పట్టణంలో 3 ఏళ్ల జ్ఞానేశ్వరి అనే చిన్నారి కనిపించకుండా పోయి 28 రోజులు గడిచింది. ఈ కేసులో పోలీసులు కిడ్నాప్ కోణంలో దర్యాప్తు కొనసాగిస్తున్నారు.

పోలీసులు బస్టాండ్లు, జనసమూహాలు ఎక్కువగా ఉండే ప్రాంతాల్లో చిన్నారి ఫోటోతో పోస్టర్లు అతికించారు. ఆచూకీ చెప్పిన వారికి లక్ష రూపాయల రివార్డు ప్రకటించారు. ప్రత్యేక బృందాలు టెక్నికల్ ఆధారాలతో గాలింపు చేపట్టాయి.

చిన్నారి తండ్రి గణేష్ ఊరూరా తిరుగుతూ ప్రజలకు పోస్టర్లు చూపిస్తూ తన కూతురి గురించి సమాచారం అడుగుతున్నారు. ఆయన ప్రతి ఒక్కరినీ కలిసి తీవ్ర ఆవేదనతో విజ్ఞప్తి చేస్తున్న దృశ్యాలు సోషల్ మీడియాలో వైరల్ అవుతున్నాయి.

ఇప్పటివరకు చిన్నారి ఆచూకీ లభించలేదు. పోలీసులు కుటుంబ సభ్యులతో సహా అన్ని కోణాల్లో విచారణ జరుపుతున్నారు. మరిన్ని వివరాలు తెలియాల్సి ఉంది.