కడప: చికెన్ పకోడీ వివాదంలో అన్నను హత్య చేసినట్టు ఆరోపణ

కడప జిల్లా బ్రహ్మంగారి మఠం రజక అన్నదాన సత్రం సమీపంలో చికెన్ పకోడీ వివాదం హత్యగా మారింది. అన్న వెంకట సుబ్బయ్యను తమ్ముడు సురేష్ గొడ్డలితో దాడి చేసి చంపినట్టు ఆరోపణ ఉంది.

పడుకుని ఉన్న సమయంలో సురేష్ మద్యం మత్తులో అన్నపై దాడి చేశాడని స్థానికులు తెలిపారు. అన్నదమ్ములు తరచూ మద్యం సేవించి గొడవపడేవారని వారు చెప్పారు.

సమాచారం అందుకున్న పోలీసులు ఘటనాస్థలికి చేరుకుని కేసు నమోదు చేశారు. దర్యాప్తు ప్రారంభించారు. పోస్టుమార్టం కోసం మృతదేహాన్ని ఆసుపత్రికి తరలించారు.