ప్రపంచ బైక్ దినోత్సవం: హిమాచల్‌లో రాయల్ ఎన్ఫీల్డ్ 'భారత్ బీట్' రైడ్‌లో దక్షిణాది జర్నలిస్టులు

ప్రపంచ మోటార్ సైకిల్ దినోత్సవం సందర్భంగా రాయల్ ఎన్ఫీల్డ్ 'భారత్ బీట్' పేరుతో హిమాచల్ ప్రదేశ్‌లో ప్రత్యేక కమ్యూనిటీ రైడ్ నిర్వహించింది. దక్షిణ భారతంలోని వివిధ ప్రాంతాల నుంచి ఎంపికైన మీడియా ప్రతినిధులు ఈ సాహసయాత్రలో పాల్గొన్నారు.

చండీగఢ్ నుంచి ప్రారంభమైన ఈ రైడ్ మషోబ్రా, హిమాలయన్ హబ్, మహాసు మీదుగా కులుకు చేరుకుంది. మూడు రోజుల పాటు సుమారు 450 కిలోమీటర్లు ప్రయాణించిన ఈ బృందం సవాలక్షమైన కొండ రహదారులు, ఇరుకైన మార్గాలపై రైడింగ్ చేశారు.

తియోగు ప్రాంతంలో స్థానిక ప్రజల సాంప్రదాయ ఆహారం, ఆతిథ్యాన్ని రైడర్లు ఆస్వాదించారు. మహాసు గ్రామంలో సాంస్కృతిక కార్యక్రమాలు నిర్వహించగా, కులులో సాహస క్రీడలు పాల్గొనేవారిని ఆకట్టుకున్నాయి. గ్రీన్ హబ్ ఫెలోషిప్ ఆధ్వర్యంలో పర్యావరణ పరిరక్షణపై డాక్యుమెంటరీ ప్రదర్శన, అవగాహన కార్యక్రమాలు జరిగాయి.

భారత్ బీట్ కార్యక్రమం ద్వారా అడ్వెంచర్ టూరిజం, బైక్ రైడింగ్‌ను ప్రోత్సహించడంతో పాటు దేశంలోని విభిన్న సంస్కృతులు, సమాజాలతో అనుబంధం పెంపొందించడం, పర్యావరణం పట్ల అవగాహన కల్పించడం లక్ష్యంగా ఉంది.

పాల్గొన్నవారు Himalayan, Hunter 350, Scram 411, Guerrilla 450 వంటి రాయల్ ఎన్ఫీల్డ్ వివిధ మోడల్ బైక్‌లను నడిపారు. సాహసంతో కూడిన ఈ రైడింగ్ అనుభవం మరపురానిదని వారు తెలిపారు.