జూలైలో టాలీవుడ్ నుండి వరుస సినిమాలు: సత్యదేవ్, అఖిల్, కిరణ్ అబ్బవరం చిత్రాల విడుదల

జూలై నెలలో టాలీవుడ్ నుండి ఆసక్తికర సినిమాలు వరసగా విడుదల కానున్నాయి. నెల ప్రారంభంలోనే రెండు ప్రతిష్టాత్మక చిత్రాలు ప్రేక్షకుల ముందుకు రానున్నాయి.

3వ తేదీన నటుడు సత్యదేవ్ నటించిన ‘రావ్ బహద్దూర్’ సినిమా విడుదల చేయనుంది. వెంకటేష్ మహా దర్శకత్వం వహించిన ఈ చిత్రంతో సత్యదేవ్ విజయాన్ని ఆశిస్తున్నారు. అదే రోజు ఫ్యాంటసీ డ్రామా ‘నాగబంధం’ కూడా రిలీజ్ అవుతుంది. దర్శక నిర్మాత అభిషేక్ నామ రూపొందించిన ఈ సినిమా భారీ విజువల్ ఎఫెక్ట్స్తో తెరకెక్కింది. నిర్మాత దిల్రాజు సినిమా హక్కులు సొంతం చేసుకోవడంతో అంచనాలు పెరిగాయి.

రెండో వారంలో యాక్షన్ లవ్ స్టోరీలు రానున్నాయి. నటుడు అఖిల్ హీరోగా నటించిన ‘లెనిన్’ జూలై 10న విడుదల కానుంది. వరస పరాజయాల తర్వాత అఖిల్‌కు ఈ సినిమా కీలకం. ఒక రోజు ముందు జూలై 9న కొత్త నటుడు జై కృష్ణ పరిచయం అవుతున్న ‘శ్రీనివాస మంగాపురం’ చిత్రం రిలీజ్ కానుంది.

జూలై 24న కిరణ్ అబ్బవరం ‘చెన్నై లవ్ స్టోరీ’ విడుదల. జూలై 31న సందీప్ కిషన్ బైలింగ్వల్ చిత్రం ‘సిగ్మా’ రాబోతోంది. నటుడు ఆనంద్ దేవరకొండ ‘ఎపిక్’ సినిమా కూడా జూలైలో విడుదలయ్యే అవకాశం ఉంది. ఇన్ని సినిమాలు ఒకే నెలలో రావడంతో థియేటర్లలో జనం సందడి నెలకొంటుందని భావిస్తున్నారు.