కొల్లాపూర్ ఆసుపత్రికి 24 గంటల విద్యుత్ సరఫరా: మంత్రి జూపల్లి తనిఖీ

నాగర్‌కర్నూల్ జిల్లా కొల్లాపూర్ ఏరియా ఆసుపత్రిని మంత్రి జూపల్లి కృష్ణారావు ఆకస్మికంగా తనిఖీ చేశారు. రోగులకు అందుతున్న సేవలపై సమీక్ష నిర్వహించారు.

డయాలిసిస్ రోగులు విద్యుత్ సమస్యలతో ఇబ్బందులు పడుతున్నారని తేలింది. దీంతో ఆసుపత్రికి 24 గంటల నిరంతర విద్యుత్ సరఫరా అందుబాటులోకి తెచ్చినట్లు మంత్రి తెలిపారు.

100 పడకల కొత్త ఆసుపత్రి నిర్మాణం పూర్తైందని మంత్రి చెప్పారు. ఈ ఆసుపత్రికి 2017లో తాను మంత్రిగా ఉన్నప్పుడు మంజూరు చేశానని పేర్కొన్నారు.

పాత ఆసుపత్రి నుంచి కొత్త 100 పడకల ఆసుపత్రి వరకు రోగులకు రవాణా సౌకర్యం కల్పిస్తామని మంత్రి జూపల్లి ప్రకటించారు. ఇందుకోసం ఎనిమిది సీట్ల battery vehicles నాలుగైదు సంఖ్యలో ఏర్పాటు చేస్తామని, రోగులు మరియు వారి అటెండెన్స్‌కు ఉచితంగా అందిస్తామని తెలిపారు.

పేద మరియు మధ్యతరగతి ప్రజలు ప్రైవేట్ ఆసుపత్రులకు వెళ్లి ఆర్థిక ఇబ్బందులు పడకుండా ప్రభుత్వ ఆసుపత్రిలోనే వైద్యం చేయించుకోవాలని మంత్రి పిలుపు ఇచ్చారు. ప్రభుత్వ ఆసుపత్రిలో అన్ని రకాల వైద్య సేవలు అందించేలా చర్యలు తీసుకుంటామని చెప్పారు.