తెలంగాణ పుణ్యక్షేత్రాలపై శాస్త్రీయ నృత్య ప్రదర్శన — జూపల్లి ముఖ్య అతిథి

హైదరాబాద్‌లోని రవీంద్ర భారతిలో 'తెలంగాణ పుణ్యక్షేత్రాలు' అనే శాస్త్రీయ నృత్యరూపక ప్రదర్శన జరిగింది. మంత్రి జూపల్లి కృష్ణారావు ముఖ్య అతిథిగా పాల్గొన్నారు.

తెలంగాణలోని చారిత్రక దేవాలయాల విశిష్టతను కళాకారులు నృత్య రూపంలో ప్రదర్శించారు. కాకతీయుల నిర్మాణాలు, అలంపూర్ దేవాలయాలు, శ్రీశైలం జలాశయ ప్రాంతంలో పునర్నిర్మించిన దేవాలయాల గురించి ప్రదర్శనలో చోటు కలిగింది.

ఈ సందర్భంగా జూపల్లి మాట్లాడుతూ, పురాతన దేవాలయాల ప్రాధాన్యతను భావి తరాలకు తెలియజేయాలని అన్నారు. వందల వేల సంవత్సరాల క్రితం ఏ ఆధునిక సాంకేతిక పరిజ్ఞానం లేకుండా నిర్మించిన ఆలయాలు నేటికీ నిలబడ్డాయని ఆయన పేర్కొన్నారు.