2026లో గురు గ్రహం మూడు రాశుల్లో సంచారం: జ్యోతిష నిపుణులు

2026 సంవత్సరంలో దేవ గురువు బృహస్పతి మూడు రాశుల్లో సంచరించనున్నారని జ్యోతిష నిపుణులు డాక్టర్ కృష్ణమాచార్యులు గారు తెలిపారు. ప్రస్తుతం మిధున రాశిలో ఉన్న బృహస్పతి జూన్ 2 నుండి కర్కాటక రాశిలోకి ప్రవేశిస్తారు. ఆ తర్వాత అతిచారం వల్ల అక్టోబరు నాటికి సింహ రాశిలో కూడా గోచరిస్తారు. ఒకే సంవత్సరంలో మూడు రాశుల్లో గురు సంచారం జరగడం ప్రపంచంలోని అనేక పరిస్థితులపై ప్రభావం చూపే అవకాశం ఉందని ఆయన పేర్కొన్నారు. కర్కాటక రాశివారికి గురు బలం లభించడంతో పాటు అరిష్టాలు తొలగిపోతాయని, సానుకూల ఫలితాలు ఉంటాయని సూచించారు. ఈ క్రమంలో ఆధ్యాత్మిక కార్యక్రమంలో పలువురు కాలర్లు తమ వ్యక్తిగత సమస్యలకు జ్యోతిష పరిహారాలు తెలుసుకున్నారు.