భూసేకరణలో రైతుల అనుమతి, న్యాయమైన పరిహారం తప్పనిసరి: జస్టిస్ బి. చంద్రకుమార్

రైతుల నుంచి బలవంతంగా భూములు తీసుకోవడాన్ని న్యాయమూర్తి బి. చంద్రకుమార్ విమర్శించారు. విజయవాడలో ఏపీ అభివృద్ధి వికేంద్రీకరణ చర్చ వేదిక నిర్వహించిన కార్యక్రమంలో ఆయన మాట్లాడారు. భూములు ఇచ్చిన రైతులకు తగిన నష్టపరిహారం అందించాలని అన్నారు.

పరిశ్రమల కోసం భూములు ఇస్తే 80% మంది రైతుల అనుమతి తప్పనిసరని, గ్రామసభ పెట్టి ఒప్పుకోవాలని చంద్రకుమార్ సూచించారు. విజయవాడ పరిసరాల్లో బంజర భూములు ఉంటే రైతుల నుంచి తీసుకోవద్దని చట్టం చెబుతోందన్నారు. సారవంతమైన భూములను తీసుకుంటే రైతు కుటుంబాలు నిలదొక్కుకోవడం కష్టమని అభిప్రాయపడ్డారు.

ప్రొఫెసర్ రామచంద్రయ్య మాట్లాడుతూ పంటల నాశనం, పర్యావరణానికి నష్టం కలిగించే చర్యలు చేపట్టకూడదన్నారు. సీపీఎం నేత వెంకట్ రెడ్డి అమరావతి కోసం ఈ విధంగా భూసేకరణ జరిగిన దాఖలాలు లేవన్నారు. రైతులను ఆదుకోవడం ప్రభుత్వ బాధ్యత అని ఆయన పేర్కొన్నారు.