జువ్వాడి నరసింగరావు జన్మదినం: వికలాంగులకు స్కూటర్లు, CM సహాయ నిధి చెక్కుల పంపిణీ

రాష్ట్ర వెలమ కార్పొరేషన్ ఛైర్మన్, కోరుట్ల కాంగ్రెస్ ఇంచార్జీ జువ్వాడి నరసింగరావు జన్మదినం సందర్భంగా వికలాంగులకు స్కూటర్లు, ముఖ్యమంత్రి సహాయ నిధి చెక్కులు పంపిణీ చేశారు. జగిత్యాల జిల్లా కోరుట్లలో ఈ కార్యక్రమాలు నిర్వహించారు.

కోరుట్ల మెట్పల్లిలోని గండి హనుమాన్ ఆలయం వద్ద ప్రత్యేక పూజలు, ఆయనను సన్మానించే కార్యక్రమం జరిగింది. తరువాత కోరుట్ల మార్కెట్ కమిటీ కార్యాలయం ఆవరణంలో ఆరుగురు వికలాంగులకు స్కూటర్లు అందజేశారు. మరో ఆరుగురు లబ్ధిదారులకు ముఖ్యమంత్రి సహాయ నిధి నుంచి రూ.5,44,000 విలువైన చెక్కులు పంపిణీ చేశారు. ఈ నిధులు అనారోగ్యంతో ఆసుపత్రిలో చేరిన వారికి అందించారు.

నరసింగరావు మాట్లాడుతూ, ఎస్సీ కార్పొరేషన్ నుంచి స్కూటర్లు మంజూరు చేశానని, ఇప్పటివరకు తాను ముఖ్యమంత్రి సహాయ నిధి ద్వారా సుమారు రూ.7.5 కోట్లు పంపిణీ చేశానని తెలిపారు. రాష్ట్ర ప్రభుత్వం వైద్య, విద్య, క్రీడలపై ప్రత్యేక దృష్టి సారిస్తున్నందుకు ముఖ్యమంత్రికి ధన్యవాదాలు తెలిపారు. స్కూటర్లు పొందిన వికలాంగులు సంతోషం వ్యక్తం చేశారు.