జేష్ట మాసం ప్రారంభం: గన్నేరు చెట్టుకు 12 ప్రదక్షిణల కరవీర వ్రతం నేడు (జూన్ 16, 2026)

జేష్ట మాసం జూన్ 16వ తేదీ నుండి ప్రారంభమైంది. ఈ మాసంలో మొదటి రోజైన శుక్ల పాడ్యమి తిథినాడు కరవీర వ్రతం పాటించడం ఆచారం.

ఈ వ్రతంలో భాగంగా దగ్గరలోని గన్నేరు చెట్టు వద్దకు వెళ్లాలి. బియ్యపిండితో ముగ్గు వేసి, పసుపు, కుంకుమ, పూలు ఉంచి దీపం పెట్టాలి. అనంతరం గన్నేరు చెట్టుకు 12 ప్రదక్షిణలు చేయాలి.

గన్నేరు చెట్టు దగ్గర్లో లేనివారు ఇంట్లో దీపారాధన చేసిన తర్వాత ప్రత్యామ్నాయంగా మంత్రం జపించవచ్చు. 'ఓం కరవీరాయై భాను వల్లభాయై నమః' అనే మంత్రాన్ని 21 సార్లు పఠిస్తే సూర్య, విష్ణువు అనుగ్రహం లభిస్తుందని విశ్వాసం.

అదే జేష్ట మాసంలో శుక్ల పక్షం తదియ నాడు రంభా వ్రతం లేదా కదలి గౌరీ వ్రతం ఆచరిస్తారు. ఈ రోజున అరటి చెట్టును పూజించి ప్రదక్షిణలు చేస్తారు.