కడప జిల్లాలో 2400 కోట్ల సోలార్ ప్లాంట్లు: మంత్రి లోకేష్ రేపు ప్రారంభోత్సవం

కడప జిల్లాలో 2400 కోట్ల పెట్టుబడితో 600 మెగావాట్ల సోలార్ ప్లాంట్లను SIL సంస్థ నిర్మించింది. ఈ ప్రాజెక్టులను మంత్రి నారా లోకేష్ శుక్రవారం ప్రారంభించనున్నారు.

రెండు ప్రాంతాల్లో ప్రాజెక్టులు ఏర్పాటయ్యాయి. కొండాపురం మండలం టి.కోడూరు సమీపంలో 1200 కోట్లతో 300 మెగావాట్ల ప్లాంట్ నిర్మించారు. జమ్మలమడుగు నియోజకవర్గం పెద్దముడియం మండలం పరిధిలో మరో 300 మెగావాట్ల ప్లాంట్ను 1200 కోట్లతో నిర్మించారు.

ఈ రెండు ప్రాజెక్టుల ద్వారా ఏటా 87.6 కోట్ల యూనిట్ల విద్యుత్ ఉత్పత్తి జరగనుంది. సుమారు 500 మందికి ఉపాధి అవకాశాలు కలగనున్నాయి. Solar Energy Corporation of India తో కుదిరిన ఒప్పందం ప్రకారం 25 ఏళ్ల పాటు జాతీయ grid కు విద్యుత్ సరఫరా కానుంది.

రైతుల నుంచి 1542 ఎకరాల భూమిని 30 ఏళ్ల పాటు లీజుకు తీసుకున్నారు. ఎకరానికి ఏటా ₹31,000 చెల్లిస్తూ ప్రతి రెండేళ్లకు 5% పెంచేలా ఒప్పందం చేసుకున్నారు.

ఈ ప్లాంట్లలో bifacial solar panel సాంకేతికత వాడారు. ఈ panel లు రెండు వైపుల నుంచి సూర్యరశ్మిని గ్రహించి ఎక్కువ విద్యుత్ ఉత్పత్తి చేస్తాయి. రాబోయే 25 ఏళ్లలో 2 కోట్ల 16 లక్షల టన్నుల కార్బన్ డైఆక్సైడ్ ఉద్గారాలు తగ్గనున్నాయి.

AP Integrated Clean Energy Policy 2024 కింద ఇది తొలి ప్రాజెక్ట్. కేవలం 11 నెలల్లో పూర్తైందని మంత్రి లోకేష్ పేర్కొన్నారు. CM చంద్రబాబు నాయుడు ఈ ప్రాజెక్ట్ పూర్తిపై హర్షం వ్యక్తం చేశారు.