కడప: గురప్పస్వామి దేవస్థానం భూ వివాదం పరిష్కారం; 14 ఎకరాలు గుర్తింపు

కడప జిల్లాలోని శ్రీ మద్దిమాను గురప్పస్వామి దేవస్థానం భూ వివాదం పరిష్కారమైంది. ఆలయ చైర్మన్ మల్లికార్జున్ రెడ్డి, ఈఓ కృష్ణయ్య ఈ విషయాన్ని వెల్లడించారు. దేవాదాయ శాఖ జోక్యంతో అక్రమంగా జరిగిన భూమి రిజిస్ట్రేషన్లను రద్దు చేయించి, ఆలయ భూములను తిరిగి స్వాధీనం చేసుకున్నట్లు తెలిపారు.

మొత్తం 14 ఎకరాలకు పైగా ఆలయ భూములను గుర్తించి, ఆ భూముల్లో దేవాదాయ శాఖ బోర్డులను ఏర్పాటు చేస్తున్నామని చెప్పారు. ఈ నెల 19వ తేదీన ఆ భూములను లీజుకు ఇచ్చి, వచ్చే ఆదాయాన్ని ఆలయ అభివృద్ధి కార్యక్రమాలకు వినియోగించనున్నట్లు వెల్లడించారు.

అలాగే, స్థానిక వ్యక్తి వంకెల వెంకట రామచంద్ర రెడ్డి కూడా ఆలయ భూమిని వదులుకోవడానికి అంగీకరించినట్లు చైర్మన్ తెలిపారు. ఈ ఏర్పాట్లతో ఆలయ అభివృద్ధి వేగవంతం చేయనున్నట్లు ఆయన వివరించారు.