కడపలో తల్లి, కుమార్తె హత్య కేసులో వ్యక్తి అదుపులో

కడప నగరంలోని దండోరా కాలనీలో తల్లి, కుమార్తె హత్య కేసులో ఒక వ్యక్తిని పోలీసులు అదుపులోకి తీసుకున్నారు.

బాబు అనే వ్యక్తి పెయింటింగ్ పనులు చేస్తుంటాడు. అతని భార్య సుజాత రిమ్స్ ఆస్పత్రిలో స్వీపర్‌గా పనిచేస్తోంది. వీరికి ముగ్గురు పిల్లలు ఉన్నారు. బాబు తల్లి ఓబులమ్మ వనిపెంటలో నివసిస్తుండగా, ఆమె మృతదేహం మాచుపల్లి సమీపంలో లభ్యమైంది. కుమార్తె హారిక ఇంట్లోనే విగతజీవిగా కనిపించింది.

పోలీసుల ప్రాథమిక దర్యాప్తులో బాబే ఈ హత్యలు చేసినట్టు తేలిందని అధికారులు తెలిపారు. తల్లి పెన్షన్ డబ్బుల కోసం హత్య చేశాడా, లేదంటే కుమార్తెపై అనుమానంతో ఈ దారుణానికి పాల్పడ్డాడా అనే కోణంలో దర్యాప్తు కొనసాగుతోంది. బాబును అదుపులోకి తీసుకొని పోలీసులు ప్రశ్నిస్తున్నారు.