డీజిల్ ధరల పెంపుతో కడప టాక్సీ డ్రైవర్లకు నష్టాలు

కడప నగరంలో పది రోజుల్లో నాలుగుసార్లు డీజిల్ ధరలు పెరిగాయి. మొత్తం ₹8 పైగా భారం పడిందని టాక్సీ ఓనర్లు చెప్తున్నారు.

కడప టాక్సీ ఓనర్ అసోసియేషన్ ప్రతినిధి హబీబ్ మాట్లాడుతూ, రాత్రి నిర్ణయించిన ధరలకు కస్టమర్లు అదనంగా చెల్లించేందుకు నిరాకరిస్తున్నారని తెలిపారు. రోజు ₹1,500 బాడీకి డ్రైవర్‌కు ₹600 పోగా ₹900 మిగులుతుందని, అందులో ₹800 డీజిల్ వ్యత్యాసం చెల్లించాల్సి వస్తే బండి ఓనర్‌కు ఏమీ మిగలదని వివరించారు.

టాక్సీలకు ఇతర ఇబ్బందులు కూడా ఉన్నాయి. ఒంటిమిట్ట దాటితే జిల్లా మారడంతో ₹300 చలాన్ చెల్లించాలని, ఆంధ్రప్రదేశ్‌లో తమిళనాడుతో పోలిస్తే రెట్టింపు tax చెల్లిస్తున్నామని హబీబ్ పేర్కొన్నారు. EMI కట్టలేని పరిస్థితి ఏర్పడిందని, finance కంపెనీలు ఒత్తిడి చేస్తున్నాయని చెప్పారు.

ప్రస్తుతం కడపలో మూడు టాక్సీ స్టాండ్లలో 900కు పైగా వాహనాలు ఉన్నాయి. సమ్మర్ హాలిడేస్ సీజన్‌లో కూడా బండ్లు స్టాండ్‌లోనే నిలబడి ఉన్నాయని డ్రైవర్లు చెప్తున్నారు. ప్రభుత్వం తమకు సహాయం చేయాలని వారు కోరుతున్నారు.