కదిరి ఆర్టీసీ బస్సు దొంగతనం: శివశంకర్ అరెస్ట్

అన్నమయ్య జిల్లా కదిరి డిపో నుంచి ఆర్టీసీ బస్సును శివశంకర్ అనే వ్యక్తి దొంగతనం చేశాడు. బస్సులో తన పెంపుడు కుక్కను కూడా ఎక్కించుకున్నాడు. కదిరి నుంచి మదనపల్లె వైపు వాహనాన్ని అత్యంత విచక్షణ రహితంగా నడిపాడు. ఈ క్రమంలో పలు ఇతర వాహనాలు, రోడ్డు పక్కన ఉన్న నిర్మాణాలను ఢీకొట్టాడు. బస్సు ముందు అద్దాలు పగిలిపోయాయి, ఒకవైపు భాగం తీవ్రంగా దెబ్బతింది. అనంతరం మదనపల్లె జాతీయ రహదారిలోని తట్టవారిపల్లె బ్రిడ్జి వద్ద బస్సును రోడ్డుపై వదిలేశాడు. పోలీసులు బ్రిడ్జి వద్ద శివశంకర్ను అదుపులోకి తీసుకున్నారు. అతడు పొంతన లేని సమాధానాలు చెప్పాడు. ఈ ఘటనపై కేసు నమోదు చేసి దర్యాప్తు జరుపుతున్నారు.