స్టేషన్ ఘన్పూర్లో ఆలయాల అభివృద్ధికి నిధులు కోరుతూ ఎండోమెంట్ కమిషనర్కు వినతి: కడియం శ్రీహరి

వరంగల్ జిల్లా స్టేషన్ ఘన్పూర్ నియోజకవర్గానికి చెందిన కాంగ్రెస్ నేత కడియం శ్రీహరి ఎండోమెంట్ కమిషనర్ను కలిశారు. తన నియోజకవర్గంలోని ఐదు దేవాలయాల అభివృద్ధికి నిధులు మంజూరు చేయాలని వినతి పత్రాలు సమర్పించారు.

చీల్పూరు, జీడికల్లు, నవాబ్పేట, మల్లన్నగుట్ట, మల్లికుదుర్ల గట్టుమల్లన్న తిరుమలనాధ స్వామి ఆలయాల చైర్మన్లతో కలిసి కమిషనర్కు ఈ వినతులు అందజేశారు. నిధులు తక్కువగా ఉన్నాయని కమిషనర్ తెలపడంతో, అత్యవసర పనులను గుర్తించి ఎస్టిమేట్లు ఇవ్వాలని కోరారు. సీఎం రేవంత్ రెడ్డిని కలిసి నిధులు తెచ్చే ప్రయత్నం చేస్తానని శ్రీహరి తెలిపారు.

ఈ సందర్భంగా శ్రీహరి మాట్లాడుతూ, తమ నియోజకవర్గం పరిధిలోని ఆలయాల గురించి మాత్రమే మాట్లాడినట్లు స్పష్టం చేశారు. ఉమ్మడి వరంగల్ జిల్లా లేదా తెలంగాణ రాష్ట్రంలోని ఇతర ఆలయాలపై ఎలాంటి చర్చ జరగలేదన్నారు. ప్రజాప్రతినిధిగా అధికారులను కలిసే హక్కు తమకు ఉందని వివరించారు.