యూకొత్తపల్లి: చెరువు పూడికతో నారుమడులు ఎండిపోతున్నాయి; రైతుల ఆవేదన

కాకినాడ జిల్లా యూకొత్తపల్లి మండలంలోని వాకతిప్ప, కుతుకుడుమిల్లి, ఉప్పాడ, సుబ్బంపేట గ్రామాల సాగుకు చెరువు ఒకటే ఆధారం. సుమారు 1000 ఎకరాల మాగాణికి నీరందించాల్సిన ఈ చెరువు రెండు దశాబ్దాలుగా పూడిక తీయకపోవడంతో నిల్వ సామర్థ్యం తగ్గింది. దీంతో ప్రస్తుతం నారుమడులు కూడా ఎండిపోతున్నాయని రైతులు తెలిపారు.

రైతులు సొంత డబ్బులతో చెరువు, కాలువల్లో పూడికతీత పనులు చేపట్టారు. చివరి ఆయకట్టు రైతులు మాట్లాడుతూ, 'గత 30 ఏళ్లుగా పూడికతీత జరగలేదు. ప్రభుత్వాన్ని విజ్ఞప్తి చేసినా చుక్క నీరు అందలేదు. గోదావరి, ఏలేరు నుంచి నీరు వస్తున్నా మా చెరువు వరకు చేరడంలేదు. దీంతో మేమే సొంతంగా పనులు మొదలుపెట్టాం' అని ఆవేదన వ్యక్తం చేశారు.

ప్రస్తుతం రైతులు స్వయంగా గడ్డి, పూడిక తొలగిస్తున్నారు; సాగునీటి కోసం ఎదురుచూస్తున్నారు.