స్నేహితుల దినోత్సవాన్ని మొక్కలు నాటి, పంపిణీ చేస్తూ జరుపుకున్న కాకినాడ యువత

కాకినాడలో చేయుత చారిటబుల్ ట్రస్ట్ ఆధ్వర్యంలో స్నేహితుల దినోత్సవం సందర్భంగా యువత మొక్కలు నాటి, ఉచితంగా పంపిణీ చేసింది.

స్థానిక గాంధీ పార్కులో నిర్వహించిన ఈ కార్యక్రమంలో దాదాపు 1,000 మొక్కలను స్థానికులకు అందజేశారు. ఉసిరి, మునగ, మామిడి, జామ వంటి పండ్ల మొక్కలు ఎక్కువగా పంపిణీ చేసినట్లు నిర్వాహకులు తెలిపారు.

‘హగ్ ఏ ట్రీ’ అనే నినాదంతో స్నేహం అంటే మనుషులతోనే కాదు, ప్రకృతితో కూడా బంధమే అని యువత ఈ సందర్భంగా వివరించింది. ప్రధానమంత్రి నరేంద్రమోదీ ‘మా కే నామ్ పే ఒక్ పేడ్’ కార్యక్రమాన్ని గుర్తు చేస్తూ, ప్రతి ఒక్కరూ తల్లి పేరుతో ఒక మొక్క నాటి సంరక్షించుకోవాలని సూచించారు.

చేయుత ట్రస్ట్ గత తొమ్మిదేళ్లుగా పర్యావరణ పరిరక్షణ కార్యక్రమాలు నిర్వహిస్తోందని, బీచ్ క్లీనప్, సీడ్ బాల్స్ తయారీ, ప్లాస్టిక్ వాడకంపై అవగాహన వంటి కార్యక్రమాలు చేపట్టామని ట్రస్ట్ ప్రతినిధి తెలిపారు. ఇటీవల ఉపముఖ్యమంత్రి పవన్ కళ్యాణ్ స్ఫూర్తితో 10 వేల సీడ్ బాల్స్ తయారు చేసి భవిష్యత్తులో అరణ్య ప్రాంతాల్లో వేయనున్నట్లు చెప్పారు.

ఈ కార్యక్రమానికి అటవీ శాఖ అధికారులు కూడా హాజరై మొక్కల పెంపకంపై సూచనలు చేశారు.