కాకినాడ జిల్లాలో ఓట్ల లెక్కింపుకు భారీ ఏర్పాట్లు: 146 కౌంటింగ్ టేబుల్స్

కాకినాడ జిల్లాలో ZPTC, MPTC ఓట్ల లెక్కింపు కోసం అధికారులు భారీ ఏర్పాట్లు చేశారు. జిల్లాలోని రెండు రెవెన్యూ డివిజన్ల పరిధిలో ఉన్న 20 మండలాల ఓట్లను రెండు కౌంటింగ్ కేంద్రాల్లో లెక్కిస్తున్నారు.

కాకినాడ రెవెన్యూ డివిజన్ పరిధిలోని మండలాల లెక్కింపు కాకినాడలోని పీఆర్ డిగ్రీ కళాశాలలో జరుగుతోంది. ఈ పరిధిలో పెద్దాపూడి, కాజులూరు, కరప, తాళ్ళరేవు, కాకినాడ, కాకినాడ రూరల్, పిఠాపురం, ఉప్పాడ కొత్తపల్లి, గొల్లప్రోలు మండలాలు ఉన్నాయి.

పెద్దాపురం రెవెన్యూ డివిజన్ పరిధిలోని 10 మండలాల లెక్కింపు కూడా ప్రత్యేక కేంద్రంలో కొనసాగుతోంది. ఈ డివిజన్ పరిధిలో సామర్లకోట, తొండంగి మండలాలు ఉన్నాయి.

లెక్కింపు కోసం మొత్తం 146 కౌంటింగ్ టేబుల్స్ ఏర్పాటు చేశారు. 346 మంది సూపర్వైజర్లు, 978 మంది టేబుల్ అసిస్టెంట్లు, 600 మంది సహాయక సిబ్బందిని నియమించారు.

జిల్లాలో ZPTC స్థానాలకు 80 మంది, MPTC స్థానాలకు 933 మంది అభ్యర్థులు పోటీలో ఉన్నారు. ఈ నేపథ్యంలో లెక్కింపును పక్కాగా నిర్వహించేందుకు చర్యలు తీసుకున్నట్లు అధికారులు తెలిపారు.

జిల్లా కలెక్టర్ హరేంద్ర ప్రసాద్ మాట్లాడుతూ, ఎన్నికల సంఘం నిబంధనల ప్రకారం పారదర్శకంగా లెక్కింపు జరుగుతుందని చెప్పారు. జిల్లా ఎస్పీ బిందు మాధవ్ (IPS) ఆదేశాల మేరకు కౌంటింగ్ కేంద్రాల వద్ద పూర్తి భద్రత ఏర్పాటు చేసినట్లు ఆయన తెలిపారు.

ఉదయం 7 గంటల నుంచే అభ్యర్థులు, వారి ఏజెంట్లు కేంద్రం వద్ద వేచి ఉన్నారు. ఉదయం 8 గంటలకు ఐడీ కార్డులు పరిశీలించిన తర్వాత వారిని లోపలికి పంపారు. ఎటువంటి అవాంచనీయ ఘటనలు జరగకుండా ప్రశాంత వాతావరణంలో లెక్కింపు కొనసాగుతోందని జిల్లా యంత్రాంగం తెలిపింది.