కాళేశ్వరం త్రివేణి సంగమంలో సరస్వతి అంత్య పుష్కరాలు ప్రారంభం

జయశంకర్ భూపాలపల్లి జిల్లా కాళేశ్వరంలో సరస్వతి అంత్య పుష్కరాలు ప్రారంభమయ్యాయి. గోదావరి, ప్రాణహిత, అంతర్వాహిని సరస్వతి నదుల సంగమ స్థలమైన ఈ క్షేత్రంలో పుష్కరాలు జరిగాయి.

కంచి కామకోటి పీఠాధిపతి శంకర విజయేంద్ర సరస్వతి స్వామి తొలి రోజు ప్రత్యేక పూజలు నిర్వహించి పుష్కరాలను ప్రారంభించారు. పురోహితుల మంత్రోచ్చరణల నడుమ త్రివేణి సంగమంలో తొలి పుష్కర స్నానం జరిగింది.

తెలంగాణ IT శాఖ మంత్రి దుద్దిళ్ల శ్రీధర్ బాబు దంపతులు, అటవీ-దేవాదాయ శాఖ మంత్రి కొండా సురేఖ పవిత్ర స్నానాలు ఆచరించారు. వరంగల్, కరీంనగర్ జిల్లాలతో పాటు మహారాష్ట్ర, ఛత్తీస్‌గఢ్ నుండి కూడా భక్తులు పెద్ద సంఖ్యలో తరలి వచ్చారు.