కల్కి 2898 ఏడీ సీక్వెల్ కోసం నటీనటుల ఎంపిక ప్రకటన; ఆసక్తి ఉన్నవారికి అవకాశం

నటుడు ప్రభాస్ ప్రధాన పాత్రలో నటించిన 'కల్కి 2898 ఏడీ' చిత్రం ప్రేక్షకుల ఆదరణ పొందింది. నాగ్ అశ్విన్ దర్శకత్వంలో వైజయంతి మూవీస్ నిర్మించిన ఈ చిత్రం పురాణ, సైన్స్ ఫిక్షన్ అంశాల మేలు కలయికగా నిలిచింది. ఇందులో అమితాబ్ బచ్చన్, కమల్ హాసన్, దీపికా పదుకొనె లాంటి నటులు కీలక పాత్రలు పోషించారు.

ప్రస్తుతం ఈ చిత్రానికి సీక్వెల్ నిర్మాణం కొనసాగుతోంది. ఈ నేపథ్యంలో, 'కల్కి సినిమాటిక్ యూనివర్స్'లో భాగం కావాలనుకునే కొత్త నటీనటుల కోసం అధికారిక కాస్టింగ్ కాల్ ను మేకర్స్ ప్రకటించారు. ఈ విషయాన్ని వైజయంతి మూవీస్ తమ సోషల్ మీడియా ఖాతాల ద్వారా తెలియజేసింది.

నటనపై ఆసక్తి, ప్రతిభ ఉన్న ఔత్సాహికులు తమ ప్రొఫైల్ వివరాలను సంబంధిత ఇ-మెయిల్కు పంపించాలని మేకర్స్ తెలిపారు. ఇది కొత్త నటులకు మంచి అవకాశంగా భావిస్తున్నారు.