ఖమ్మం మధిర వెంచర్‌లో యువతి మృతదేహం: హత్య కేసుగా దర్యాప్తు

ఖమ్మం జిల్లా మధిర మండలంలోని కిష్టాపురం సమీపంలో ఒక రియల్ ఎస్టేట్ వెంచర్‌లో యువతి మృతదేహం బయటపడింది. మృతురాలి పేరు గోపిశెట్టి కల్పన. వయసు 28 సంవత్సరాలు. ఆమె స్వగ్రామం ఆంధ్రప్రదేశ్‌లోని NTR జిల్లా మేడూరు.

మృతదేహం దగ్గర చున్నీ గొంతుకు బిగించి ఉండడం చూసి పోలీసులు ఇది హత్య అని నిర్ధారించారు. ప్రాథమిక దర్యాప్తులో కల్పన భర్తతో విభేదాలు ఉన్నాయని, ఆమె విడిగా నివసిస్తున్నట్టు తెలిసింది.

ఈ కేసులో కీలకమైన ట్విస్ట్ ఉంది. కల్పన హత్యకు ముందు ఆమె కుటుంబానికి తెలియని నెంబర్ నుంచి message వచ్చింది. 'మేము అరుణాచలం వెళ్తున్నాం, పెళ్లి చేసుకుని తిరిగి వస్తాం' అని ఆ message లో ఉంది. కల్పనను మధిరకు తీసుకొచ్చిన వ్యక్తి ఎవరనే కోణంలో పోలీసులు దర్యాప్తు చేస్తున్నారు.

మధిర రూరల్ CI మధు నేతృత్వంలో ప్రత్యేక బృందాలు దర్యాప్తు చేస్తున్నాయి. ఆ message వచ్చిన phone నెంబర్ IP address, tower location వివరాలు సేకరిస్తున్నారు. మృతదేహాన్ని postmortem కోసం ఖమ్మం ప్రభుత్వ ఆసుపత్రికి పంపారు. postmortem రిపోర్ట్ వస్తే హత్యకు ముందు జరిగిన సంఘటనలపై మరింత స్పష్టత వస్తుందని పోలీసులు తెలిపారు.