పొట్టిపాలెం కలుజు బ్రిడ్జిని ఆగస్టులో ప్రారంభిస్తామని టీడీపీ ప్రతినిధి వెల్లడి

నెల్లూరు రూరల్ నియోజకవర్గంలోని పొట్టిపాలెం సమీపంలో రూ.5.60 కోట్ల వ్యయంతో నిర్మిస్తున్న కలుజు బ్రిడ్జి పనులను టీడీపీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి పరిశీలించారు. ఈ బ్రిడ్జిని ఆగస్టు నెలలో ప్రారంభిస్తామని ఆయన తెలిపారు.

పైపుల డిజైన్ కోసం ఇంజినీరింగ్ విభాగం ఎక్కువ సమయం తీసుకోవడం, వరుసల సంఖ్య 59కు పెంచడం, క్యారేజ్ వే 14 మీటర్లతో పాటు షోల్డర్ కూడా కలిపి 17.2 మీటర్ల మేర రోడ్డు వెడల్పు చేయడం వంటి కారణాలతో నిర్మాణం ఆలస్యమైందని ఆయన వివరించారు. అయితే ఇప్పుడు పనులు వేగంగా జరుగుతున్నాయన్నారు.

పొట్టిపాలెం కలుజు మీద బ్రిడ్జి నిర్మాణం దశాబ్దాల నాటి డిమాండ్ అని గిరిధర్ రెడ్డి పేర్కొన్నారు. ఈ నియోజకవర్గంలో ఎమ్మెల్యే కోటంరెడ్డి శ్రీధర్ రెడ్డి నేతృత్వంలో రాష్ట్ర ప్రభుత్వ సహకారంతో సుమారు రూ.650-700 కోట్ల అభివృద్ధి పనులు జరుగుతున్నాయని కూడా ఆయన వెల్లడించారు.