భోగాపురం విమానాశ్రయం కర్టన్ రైజర్ కార్యక్రమంలో మంత్రి కందుల దుర్గేష్

భోగాపురం అంతర్జాతీయ విమానాశ్రయం ప్రారంభోత్సవానికి ముందస్తు కార్యక్రమంగా రాష్ట్ర పర్యాటక శాఖ విశాఖపట్టణంలోని ఋషికొండ బ్లూ ఫ్లాగ్ బీచ్‌లో ఒక కర్టన్ రైజర్ ఈవెంట్‌ను నిర్వహించింది.

మంత్రి కందుల దుర్గేష్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ, భోగాపురం విమానాశ్రయం ఉత్తరాంధ్ర ప్రాంత అభివృద్ధికి ఊతమిస్తుందని తెలిపారు. యువతకు ఉపాధి అవకాశాలు లభించడంతో పాటు పర్యాటక రంగం అభివృద్ధి చెందుతుందని వివరించారు.

బ్లూ ఫ్లాగ్ హోదాను కాపాడుకోవడానికి బీచ్‌లో ప్లాస్టిక్ వ్యర్థాలు వేయవద్దని ఆయన ప్రజలకు విజ్ఞప్తి చేశారు. భూములు ఇచ్చిన రైతులకు ధన్యవాదాలు తెలిపే సైకత శిల్పాన్ని నిర్వాహకులు ఏర్పాటు చేయడాన్ని మంత్రి అభినందించారు.