చిత్ర పరిశ్రమను ఏపీకి ఆహ్వానించిన మంత్రి కందుల దుర్గేష్

ఏపీ మంత్రి కందుల దుర్గేష్ తెలుగు చిత్ర పరిశ్రమను రాష్ట్రానికి ఆహ్వానించారు.

విజయవాడలో జరిగిన ఒక ప్రీ రిలీజ్ కార్యక్రమంలో ఆయన మాట్లాడారు. సినీ నిర్మాతలు ఏపీలో షూటింగ్లు చేయాలని, స్టూడియోలు, రికార్డింగ్ థియేటర్లు నిర్మించాలని కోరారు.

సింగిల్ విండో ద్వారా అనుమతులు ఇవ్వడానికి ప్రభుత్వం సిద్ధంగా ఉందని చెప్పారు. ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కల్యాణ్ ఈ రంగం అభివృద్ధికి కట్టుబడి ఉన్నారని, స్థానిక ప్రతిభను వినియోగించుకునే అవకాశం ఉంటుందని ఆయన తెలిపారు.