కంగన రనౌత్ థ్రిల్లర్ 'భారత భాగ్య విధాత' జూన్ 12న విడుదల

బాలీవుడ్ నటి కంగన రనౌత్ నటించిన తాజా థ్రిల్లర్ చిత్రం 'భారత భాగ్య విధాత' జూన్ 12వ తేదీన విడుదలకు సిద్ధమైంది.

ఈ సినిమా నిజ జీవిత ఘటన ఆధారంగా రూపొందించారు. 2008 ముంబై ఉగ్రదాడి సమయంలో చర్చ్‌గేట్ సమీపంలోని ఓ ఆసుపత్రిలో చిక్కుకున్న రోగులను అక్కడి నర్సులు ప్రాణాలకు తెగించి రక్షించిన సంఘటనే ఈ చిత్ర కథాంశం. కంగనా ఇందులో ఒక నర్సు పాత్ర పోషించారు.

కంగనా 2024 లోక్‌సభ ఎన్నికల్లో ఎంపీగా గెలిచింది. ఈ చిత్రం ఆమె రాజకీయ ప్రవేశానికి ముందే చిత్రీకరణ పూర్తి చేసి, ప్రస్తుతం విడుదలకు సిద్ధం చేశారు. 2019లో విడుదలైన 'మణికర్ణిక' తర్వాత ఆమె నటించిన 'ఎమర్జెన్సీ' వంటి చిత్రాలు బాక్సాఫీసు వద్ద ఆశించిన స్థాయిలో ఫలితాలను ఇవ్వలేదు.

ఈ నేపథ్యంలో, 'భారత భాగ్య విధాత' పై కంగనా భారీ ఆశలు పెట్టుకున్నారు. ఈ చిత్రంతో తన కెరీర్‌కు పునరుజ్జీవనం లభిస్తుందని ఆమె అంచనా వేస్తున్నారు. జూన్ 12న ఈ చిత్రం ప్రేక్షకుల ముందుకు రానుంది.