టాప్ స్కోర్ చేసిన విద్యార్థులను విమానంలో విశాఖ తీసుకెళ్ళిన స్కూల్ సిబ్బంది

కృష్ణా జిల్లా పెనమలూరు మండలం కానూరు జిల్లా పరిషత్ ఉన్నత పాఠశాలలో 10వ తరగతిలో అత్యధిక మార్కులు సాధించిన ముగ్గురు విద్యార్థులను పాఠశాల సిబ్బంది సొంత ఖర్చులతో విమానంలో విశాఖపట్నం తీసుకెళ్ళారు.

ముగ్గురు విద్యార్థులూ బాలికలే. వారు 580, 571, 561 మార్కులు సాధించారు. పాఠశాల అభివృద్ధి కమిటీ అధ్యక్షుడు శివనాగేశ్వరరావు వీరిని గన్నవరం విమానాశ్రయం నుండి విశాఖపట్నం తీసుకెళ్ళారు. అక్కడ బీచ్ మరియు పుణ్యక్షేత్రాలు చూపించారు.

పాఠశాల ఉపాధ్యాయులు ప్రభుత్వం అమలు చేసిన 100 రోజుల కార్యక్రమాన్ని మొదటి రోజు నుండి పరీక్షల వరకు శ్రద్ధగా అమలు చేశారని పాఠశాల సిబ్బంది తెలిపారు. గ్రామంలోని పిల్లలందరూ ప్రభుత్వ పాఠశాలలో చేరాలని, ఈ విజయం అందుకు స్ఫూర్తిగా నిలవాలని కమిటీ అధ్యక్షుడు పేర్కొన్నారు.