కర్ణాటక CM మార్పుపై చర్చ లేదు: కాంగ్రెస్ జనరల్ సెక్రెటరీ వేణుగోపాల్

కర్ణాటక CM మార్పుపై ఎటువంటి చర్చలు జరగలేదని కాంగ్రెస్ జనరల్ సెక్రెటరీ KC వేణుగోపాల్ స్పష్టం చేశారు. మీడియాలో వస్తున్న వార్తలు కేవలం ఊహాగానాలని, వాటిలో నిజం లేదని అన్నారు.

ఢిల్లీలో జరిగిన సమావేశంలో కర్ణాటక CM సిద్ధరామయ్య, డిప్యూటీ CM DK శివకుమార్‌తో AICC చీఫ్ మల్లికార్జున ఖర్గే, LOP రాహుల్ గాంధీ చర్చించారు. ఆ సమావేశంలో రాజ్యసభ ఎన్నికలు, కర్ణాటక కౌన్సిల్ ఎన్నికలపై మాత్రమే మాట్లాడారని వేణుగోపాల్ తెలిపారు.

ఇంధన ధరల పెంపుపై AICC చీఫ్ ఖర్గే విమర్శలు చేశారు. ద్రవ్యోల్బణం, నిరుద్యోగం పెరిగి చిన్న పరిశ్రమలు మూతపడే పరిస్థితి తలెత్తుతుందని ఆందోళన వ్యక్తం చేశారు.

కాంగ్రెస్ సీనియర్ నేత దిగ్విజయ సింగ్ NEET పేపర్ లీక్ వ్యవహారంపై స్పందించారు. కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేశారు. పేపర్ లీక్ జరగలేదని NTA చెబుతూ మళ్ళీ పరీక్ష నిర్వహిస్తోందని, ఇది వైరుధ్యమని అన్నారు.

రాజస్థాన్ మాజీ CM అశోక్ గెహ్లాట్ CNG, పెట్రోల్, డీజిల్ ధరల పెంపుపై కేంద్రాన్ని నిలదీశారు. 12 రోజుల్లో CNG ధరలు నాలుగు సార్లు పెంచారని కాంగ్రెస్ పేర్కొంది. ఈ విషయంపై కేంద్రం స్పందన తెలియాల్సి ఉంది.