తెనాలి వాలీబాల్ కోర్టులో యువకుడు అనుమానాస్పద మృతి — పోలీసులు దర్యాప్తు

గుంటూరు జిల్లా తెనాలి మండలం కంచర్లపాలెం గ్రామంలో కోపల్లె కార్తీక్ అనే యువకుడు అనుమానాస్పద స్థితిలో మృతి చెందాడు.

ఆటో నగర్ నుంచి సోమదుందపాలెం వెళ్లే మార్గంలోని వాలీబాల్ కోర్టులో అతను మృతిగా కనిపించాడు. స్థానికులు పోలీసులకు సమాచారం అందజేశారు. పోలీసులు ఘటనాస్థలికి చేరుకొని దర్యాప్తు ప్రారంభించారు.

కార్తీక్ తండ్రి వెంకటేశ్వరరావు ఇచ్చిన వాంగ్మూలం ప్రకారం — రాత్రి 11 గంటలకు కరెంటు పోయినప్పుడు కార్తీక్ బయటికి వెళ్తానని చెప్పి వెళ్లాడు. తర్వాత తిరిగి రాలేదు. ఉదయం వాలీబాల్ కోర్టు వద్ద అతను మృతిగా కనిపించాడు.

పోలీసులు Dog Squad, Clues Team ను రంగంలోకి దింపి ఆధారాలు సేకరిస్తున్నారు. మృతదేహాన్ని post-mortem నిమిత్తం ప్రభుత్వ ఆస్పత్రికి తరలించారు. ఇంక్వెస్ట్ కూడా నిర్వహిస్తున్నారు.

మృతుడి phone pay వివరాలు, ప్రవర్తన తదితర అంశాలు కూడా పరిశీలిస్తున్నామని పోలీసులు తెలిపారు. కార్తీక్ మంచి స్వభావం కలిగినవాడని స్థానికులు చెప్తున్నారు. మరణానికి కారణాలు post-mortem నివేదిక ద్వారా స్పష్టమవుతాయి.