తెలంగాణ ఆవిర్భావ దినోత్సవం: హనుమకొండలో తెలంగాణ వికాస సమితి ఆధ్వర్యంలో కవి సమ్మేళనం

తెలంగాణ ఆవిర్భావ దినోత్సవం సందర్భంగా జూన్ 2న హనుమకొండలో తెలంగాణ వికాస సమితి ఆధ్వర్యంలో కవి సమ్మేళనం నిర్వహించారు. ఈ కార్యక్రమంలో ఎమ్మెల్సీ దేశపతి శ్రీనివాస్ ముఖ్య అతిథిగా పాల్గొన్నారు.

ఆయన మాట్లాడుతూ, తెలంగాణ కోసం ఎంతో రక్తం చిందిందని, ప్రస్తుతం నీళ్లు పారుతున్నాయని, అయితే ఈ నీళ్లను మళ్లీ నెత్తుటితో తడిపేందుకు కుట్రలు జరుగుతున్నాయని ఆరోపించారు. తెలంగాణ రైతులదే అని దాశరది అప్పట్లోనే చెప్పారని, సురవరం ప్రతాపరెడ్డి వంటి కవులు, రచయితలు ఈ ప్రాంతంలో తెలుగు భాషాభివృద్ధికి ఎంతగానో కృషి చేశారని గుర్తుచేశారు.

ఇటీవల ‘ఎవరిది తెలంగాణ’ అనే ప్రశ్నపై జరిగిన చర్చను కూడా దేశపతి ప్రస్తావించారు. తెలంగాణ అనేది నిఘంటువులో లేదనే వ్యాఖ్యలపై స్పందిస్తూ, తెలంగాణలోని జినవల్లభుడి శాసనం ఆధారంగానే తెలుగు భాషకు ప్రాచీన హోదా వచ్చిందని చెప్పారు.