సెంట్రింగ్ కార్మికుల సమస్యలపై కవిత మాట్లాడారు

BRS నాయకురాలు కల్వకుంట్ల కవిత హైదరాబాద్‌లో సెంట్రింగ్ కాంట్రాక్టర్లు మరియు కార్మికుల సమావేశంలో పాల్గొన్నారు. ఒక రోజు ముందు నుంచి దీక్షలో కూర్చున్న కార్మికులకు మద్దతు తెలిపారు.

సెంట్రింగ్ కార్మికులు ₹10 లక్షల నుంచి ₹15 లక్షల విలువైన మెటీరియల్‌ను తమ స్వంత ఖర్చుతో తీసుకెళ్తున్నారని కవిత తెలిపారు. ఆ మెటీరియల్‌కు భద్రత లేదని, దాన్ని పెట్టుకోవడానికి room లేదా locker కూడా ఇవ్వట్లేదని ఆరోపించారు.

నిర్మాణ ఒప్పందాల్లో plumber, electrician సహా ఇతర కార్మికుల పేర్లు ఉంటాయని, కానీ సెంట్రింగ్ కాంట్రాక్టర్ల పేర్లు ఒప్పందాల్లో చేర్చట్లేదని ఆమె పేర్కొన్నారు.

హైదరాబాద్ మున్సిపల్ అధికారులు ముందస్తు నోటీసు ఇవ్వకుండా ఇళ్లు కూల్చివేస్తున్నారని కవిత ఆరోపించారు. అలాంటి సమయంలో సెంట్రింగ్ మెటీరియల్ నష్టపోతోందని, దానికి పరిహారం ఇవ్వడం లేదని చెప్పారు.

ప్రాణాలను పణంగా పెట్టి అయిదారు అంతస్తుల ఎత్తున పని చేస్తున్న ఈ కార్మికులకు ప్రభుత్వం నుండి ఎలాంటి ఆర్థిక సహాయం అందట్లేదని ఆమె పేర్కొన్నారు. ఈ విషయంపై ప్రభుత్వం స్పందన తెలియాల్సి ఉంది.